اسوء شعور بالدنيا لما ادخل البرنامج. شعور مو حلو ابدا. عينات غير مناسبة، تفكير عقيم، طلبات مريبة.. اخ بنات تحسوا الي احسه 💔

إذا انتي بنت وعشتي طول عمرك حافظة نفسك ومعززتها وحافظة كرامتك، وجايه التطبيق على أمل انك بتلقين فيه النصيب ونخبة المجتمع ،أنا جايتك من المستقبل عشان أقولك لا تغلطين هالغلطة .. أنا لي شهر بالضبط وباقي في اشتراكي 5 شهور لكن حرفياً قررت اترك التطبيق .. ما راح أتكلم عن المبلغ اللي دفعته لانه ولا شي أمام شعوري ان كيف نزلت من نفسي وحطيتها تحت التقييم من أشخاص 90٪ منهم عباره عن عاهات نفسية ورفضهم المجتمع وجايين هنا يتفرجون ويتنقون في البنات وطبعاً أول سؤال بيجيك قبل التعارف وقبل كل شي ارسلي صورتك وبعضهم حتى صورته مو عارضها، مواصفات البنات وبروفايلاتهم أعلى مستوى بكثيير من بروفايلات الشباب ومع ذلك يتشرط لا وينتظرك انتي ترسلين اضافة وانتي اللي تبادرين بالتعارف، الصراحة مهزلة وخيبة أمل كبيييييرة كنت أتمنى اني اقدر أرفق صور المحادثات ولكن ما أقول الا حسبي الله ونعم الوكيل.

بس قبل ما اعطي خلاصة تجربتي بالتطبيق .. ودي اعرف المنفصلين واللي ما توفقوا بالشريك الصح واللي منفصلين بأطفال او ارامل او اهل نجد الغير قبيلين واقصد الفئه الطبيعيه اللي تبي الزواج والاستقرار (وينكم ؟؟!) تعالوا نكبر مجتمع اواصر ونرفع جودة مجتمع اواصر تكفون 🙋‍♀️ نجي للتطبيق : التطبيق يناسب البنات اللي عمرهم اقل من ٣٠ وما سبق لهم الزواج لان الشباب اللي بهالعمر مرتبين وعارفين وش يبون ( على ما شفت من بروفايلات ) -بنت عمرك فوق ال٣٠ وسبق لك الزواج وعندك اطفال نسبة المناسب لك في التطبيق بسيطه والاغلب معدد او يبي مسيار او زواج غير معلن - طبيعي جداً انك تتكلمين مع شخص وبعدين يختفي في ظروف غامضه ولا يعتذر ولا شي (أنا بنت ما سويتها) دايم اعتذر واتمنى للطرف الثاني التوفيق وبعدها اختفي -فيه عينات ماهي سليمه نفسياً من الطرفين الحمدلله على العافيه -خدمة العملاء للاسف تعاملهم بطيء ومافيه اسلوب للاسف لو استجابوا 🤕 -أعداد المشتركين في تزايد بس بالنسبه لي دفعت حق سنه على الفاضي لان بداية التطبيق كنا حبتين فعلياً- الفكرة ممتازه وتحتاج ناس واعيه وعدد اكبر و هم بدوا بالدعايه بعد سنه من الانطلاق للاسف .. احس انظلمنا حنا ي الرعيل الاول 🥺 -ملاحظاتي التقنيه ارسلتها لهم ولا احس سووا شي .. الملاحظه الاولى انك كل مره تحتاج تسوي ريفرش عشان تشوف مين مشترك ويمكن شخص يروح عليك لانك ما كنت فاهم السالفه هذي.. يعني مافيه لسته واضغط المزيد لااا.. كل مره ريفرش وتطلع لك نفس الناس او اسماء غيرهم يعني مافيه شي واضح.. حتى مع الفلتره كل مره يطلع لك شي وانت حاط نفس معايير الفلتره .. الملاحظة الثانيه..تجيك اضافات ويطلع عندها مرفوض عشان اللي اضافك تجاوز الحد مادري وش هذي بس شكل الشباب يضيفون اي احد ويشوفون وش يضبط معاهم او لا وهم لهم حد للاضافه.. الملاحظه الثالثه ان البنات يتكلمون معاي ويضيفوني سوالف 🤕 ما احس كذا صح..بالنسبه لنوعية الناس شفت ناس مرتبه وشفت ناس متطلبه وشفت ناس تدور شي ما يرتقي انه يكون بقروب اواصر اللي هم نخبة المجتمع ( زواج غير معلن او مسيار وشخص كاتبها علني dating only 🫠 ) .. بالنسبه لقيمة الاشتراك المفروض انها مناسبه لو مجتمع اواصر مكتمل لان المبلغ ماهو هين .. صح يثبت جديه اغلب المشتركين بس لو كان فيه مشتركين خصوصاً السنه الماضيه 😢 ملاحظاتي لمن يهمه الأمر لاني بنت اواصر ومؤمنه بالفكره وادري انها بتكون صحيحه لو فئة الرجال المسجلين ارتقوا بوعي البنات اللي متواجدات حالياً🙏 عندي اقتراح للقائمين على اواصر ممكن تخفضون رسوم التجديد خلاص تأكدتوا من جديتي من الاشتراك الاول 🫣🥹

المهم أنا الان في شهر ذو الحجه و اوصر قرر انه يعلق حسابي بدون سبب حبيت اقولكم على الجديد يا بنات انه لا جديد عندهم و احفظو فلوسكم لان فعلاً هذا شي بيد ربي مهما سويتي و فعلتي غير رزقك ما تاخذين بذاتتت بموضوع الزواج المهم حبيت انصحكم و ادعو لي بليزززز و في عرايس كثير من خارج التطبيق كلموني بس مالقيت لهم شباب مناسبين لهم داخل التطبيق فا إذا فيه عرسان من خارج التطبيق / تعالو انستقرام نوفق باذن الله بينكم Samar_6982 وانا ماني خطابه و لا ابي شي منكم بساعد بس البنات الي كلموني و اتمنى اكون لهم سبب بعد الله بسعاده لهم

برنامج سيء جدًا .. و أرفع شكاوي مافي اي استجابه فيه ناس يطلع إني أنا ألغيتم وأنا ما ألغيتم🙃 .. فيه علامات استفهام كثيره 💔 والله كان خيبة أمل للأسف 👎🏼👎🏼👎🏼 بالنسبه للاشتراك كان مانعني إني أشترك ٣ شهور !!! لازم أشترك ٦ شهور 🥲 بزعم إنه اشتراكات الثلاث شهور خلصت ؟؟؟ ومافي شي بالعقل كذا 😤😤😤😤 للأسف كنت متعشمه بالفكرة حق التطبيق هذا ما توقعته أبدًا كذا 😔 لا وفوق كذا سعر الإشتراك مرتفع وما يقابلها اي جوده أو دعم فني أو أي شي 💔👎🏼👎🏼😐 …..………………………………………………………..………… رجعت لكم بعد شهور من استخدام التطبيق للأسف سيء وما يساعد انه الشخص يلقى شخص يناسبه .. وللاسف أغلب الشباب شايفين انه الموضوع كاتالوج 🤢 يضيف ١٠ بنات ويتواصل معاهم في نفس الوقت .. والنوع الثاني شايف نفسه انه آخر حبه 🙃 وانه انتي اللي لازم تجرين ورايا عشان تكلمينني !!!! وفيه نوع يضيف البنت بعدين يطلب يضيفها في برنامج ثاني وأول ما تضيفه هناك يحذفها من أواصر عشان يقدر يكلم أكثر من ١٠ بنات في نفس الوقت 🤢 (( إلا من رحم ربي طبعًا 👌🏽))

سجلت ودفعت 999 ريال عرض 3 شهور .. خيارات الإناث محدودة وبروفايلات قديمة ما عليها تفاعل .. خسارة الفلوس 🫤

التسويق اللي بالسناب شيء غريب. والنماذج الموجوده عجيبه وكلهم حياتي جميلة وأبي زواج ثاني غير معلن والا مسيار؛ علامة استفهام كبيرة على النوعية المسجلة وبعض تعليقات البنات يعطيني انطباع ان كثير جالس يضيع وقت ويحسبه شات على النماذج والتسويق اللي يقول فيه إنه جودة فما شفت شيء صح من اللي قاله حسب نظرتي. الفلوس ماهي حلال فيه وخسارة لان المفترض اقيم بعدها اشوف يناسبني أو لا بس سالفة ان ادفع عشان تشوف هذي غلط انحاشوا.

اغلب البنات اللي فيه ماشاء الله .. واضح انهم من عوائل راقية جدا .. الله يرزقهن.. لكن فئة الرجال للاسف على العكس الا من رحم الله .. لان اغلبهم للاسف كاتبين بملفاتهم اريد صديقة!!! هذا تطبيق زواج واستقرار مو تطبيق عقد صداقات!! اعتقد الصداقة مو مكانها هذا التطبيق ارتقوا يارجال.. طبعا اتكلم عن البعض وليس الكل..

حسافة الفين عليه!!

نصيحتي للنساء.. لا تحملون البرنامج ٩٠٪؜ من مستخدمي البرنامج متزوجين او يبون زواج غير معلن.. والنسبة المتبقية ناس مضطربين نفسيا وغير متزنين.. اي شخص بيحمل البرنامج بتكون نيته علاقة زواج جادة وسوية لكن اللي شفتهم بهذا البرنامج اسوأ فئة مجتمعية بالتاريخ.. ياخسارة ال ٣ الاف ريال بس وياخسارة الوقت. لا تحملونه نصيحة.