الخلف للذبائح‎

لا انصح فيهم ابداً للأمانة لا جودة والذبيحة توصل لك ناقصه

من صبح العيد ونحن ننتظر الاضحية والان بيأذن المغرب دون اي تواصل .. تجربه لن تكرر

من ليلة العيد وانا اراسلهم واتس وهم يقولون يكلمك المندوب وتابعت معهم بعد صلاة العيد ونفس الكلام ولا في اي اهتمام بالعميل مجرد تم التحويل انت تطارد وراهم وما استلمت الاضحية الى الساعة ١ الظهر وانا انتظرهم اكثر من ٦ ساعات جدا سيئ

يخليك تسجل عشان تطلب وبعد عملية التسجيل والطلب والمتابعة لانهاء الطلب يقولك مافيه توصيل الا في الرياض حط نوت واكتب التطبيق خاص بالرياض فقط فقط فقط احسن من تضييع وقت الناس

لا يوجد تجاوب ولا تواصل مع العملا لا يوجد اوقات محدده للتسليم الاعلانات و الدعايات مظلله جدا خصوصا في فتره الاعياد و المواسم حسبي الله و نعم الوكيل

التطبيق عطلان يسوي خروج ومايفتح تاكدواااا ياهووو 😲

طلبت اضحية العيد و حولت المبلغ شامل الذبح و التوصيل و قالو توصلك اول يوم و لا وصلت و لا ثاني يوم و التواصل معهم صعب و يمنون عليك و انت دافع.

كل الشكر والتقدير لكم على حسن التعامل انصح وبشده التعامل معهم للمصداقيه وحرصهم على الحلال الطيب عن تجربه اكثر من مره

طلبت ذبيحه نعيمي بلدي ولما وصلت الذبيحه وصلت ذبيحه مستورده وعليها ختم احمر يعني مستورده ولما تواصلت معهم كان الرد جداً سئ ويقولي بناخذ الذبيحه وبنرجع نختمها ختم اخضر هذا تلاعب واحتيال انا دافع قيمة ذبيحه بلدي مو مستورده المفروض الي يرد على الاتصال يقول احنا نتحمل الغلط وبنرجعلك فلوسك مو يقول بنروح نغير الختم لانو هذا تلاعب واحتيال اول مره واخر مره اطلب ذبايح من تطبيق نصيحه مني انت بنفسك رح اشتر ذبيحتك وشفها قدام عينك

تواصلت مع رقمهم ووكلتهم على ذبح أضحيتين وتوصيلها وحولت لهم مبلغها، لكن لما جاء يوم العيد تفاجأت أن الذي يتم توصيله كراتين لحم غير مرقمة بأرقام تحدد من هو صاحب الأضحية، فقط رقم الحجم إما 1950 أًو 1750، التوزيع عشوائي للأسف، وهذا عبث بشعيرة الأضحية وعبث بأمانات المسلمين الذين وكلوهم على أضاحيهم، تواصلت مع الخلف صاحب الحلال وأخبرني أن لديه فتوى تجيز له هذا الفعل، وأنه عند الذبح يسمي كل أضحية لأحد الزبائن، لكن عند توزيعها يوزعها عشوائي بناء على فئة الحجم فقط لا على من سميت له !!! أرجو التنبه من توكيلهم بالأضاحي، تراهم يسلمون لك لحم أضحية غيرك ولا يجوز لك الأكل منها إلا بإذن صاحبها الذي ذبحت له، وقد تكون بعض الأضاحي وصايا تصرف للفقراء والمحتاجين. وللأسف أنهم لم يوضحوا ذلك عند الحجز، بل يؤكدون أنهم سيوصلون للزبون نفس الأضحية التي ذبحت له.