خدمه سيئه!
طالب الاوردر في رمضان من فرع زايد الي هارينا اعلانات كل شويه انه بقا اسرع توصيل و معرف ايه، و حاطين time slots تستلم فيه الاوردر، طلبته ييجي الساعه ٥:٣٠ و الديليفري كلمني الساعه ٥ يقولي ابعتله اللوكيشن و بعتله و كله تمام، الساعه جت ٥:٣٠ و مفيش، ٦ مفيش، و المدفع ضرب ٦:١٠ و مفيش، و اكلم بتاع الدليفري مبيردش، و كلمت الكول سنتر مرتين و مفيش عندهم غير الاوردر طلع يا فندم و دقايق و هيكون عندك، بكتب الريفيو دا دلوقتي و الساعه ٦:٤٠ و الاوردر لسه موصلش برضو!!! مفيش اي اعتذار من الكول سنتر و محدش معبرنا ولا كاننا مبندفعش الافات في الاوردر!! و لغاية دلوقتي لسه الاوردر موصلش و مفيش اي حس منهم تجربه سيئه جداً لا انصح بها اطلاقاً!! تحديث: كلمني الدليفري الي مبيردش على تليفونه دا يسألني البيت فين ولا كانه في اي حاجه غلط و ان الاكل هيكون تلِّج بعد ساعه و نص من البرم (لو مكنوش بيكدبو من الاول اصلاً و الاوردر مطلعش)! قولتله لا امشي خلاص مش هستلمه، قام مشي فعلاً بدون اي اعتذار او عرض تعويض او خصم او اي حاجه، لا حقيقي اوسخ خدمه ممكن تاخدها من محل، برافو استمرو!
