非常之差嘅管理及營運
入咗去約十個群組（要付費），入咗去，有1-2個group 幾好互動，但更多group係幽靈group（成個星期無人講野，一係講無聊野（與主題無關）勁多狗公，每日都見到有三四個人離group，一兩個入group。 都算，諗住hkd 30 睇下有無志同道合可以真係有傾下自己有興趣，點知其中一個group，喺度講埋啲唔關事既野，最後我同apps admin投訴，佢哋比我嘅答覆竟然係「出面討論區都係咁」「我哋要比人可以言論自由」 第一，如果依個Apps收費我可以接受佢同出面討論區/群組比，我專登俾錢就係為咗想有比較集中同質素高D合主題既討論。而唔係喺度聽啲人(包括group主）喺度講埋啲八婆又唔啱主題嘅嘢。 第二，我只係要求app 既管理員留意返群組上講嘢應該合返啲主題，佢就已經扯到言論自由。我只係覺得每日咁多個message喺個群組而全部都唔合主題，有啲浪費時間同金錢。 總結：俾我感覺就係一班人只係為咗錢叫人入群組，之後就自生自滅。老實講我連一次活動都未參加，因為見到group裏面嘅人嘅質素就已經卻步。（當然有一啲group比較良好氣氛可惜只有少數） 之後喺我堅持底下要求退錢 delete apps退group （我問到第二次佢先肯退錢）老實講，hkd 30我一個早餐都唔止呢個錢，不過見到佢哋咁樣去經營既手法，我真係覺得自己浪費咗時間同金錢。 如果大家為咗識好多朋友，都可以一試。不過如果想搵一啲比較志同道合嘅朋友。我覺得你哋會覺得失望，俾錢之前大家記得三思！ P.s佢哋嘅group主要以WhatsApp/Signal作為平台，如果大家唔想俾人知道自己電話，就真係要再三思！
