Morni Auction مزاد مرني

ما انصح نهائياً التعامل معهم بمزاد السيارات خدمه سيئة جداً جداً والله على ما اقول شهيد تاخير بالردود بالتطبيق لما تحاول تتواصل معهم هاتفياً توصل إلى ٣٥ دقيقه بالانتظار وتقول بصبر بخلص اموري ويتكرر معاك الموقف مرات عده وتخلص كل شي مباشره فور طلبه وتوصل كامل المبلغ يتأخرون بالنقل فجاه يقول لك مافيه فحص تعال خذ السياره سو فحصها الدوري هههه تقول الله يصبرني ابشرو ياخذون لوحات السياره ويقول ادفع تامين ٣٠٠٠ مبلغ خروج غير عن ال ٢٠٠٠ لدخول المزاد تقول تكلمه تقول الفحص رفضو وين اللوحات يقول اوه ارسلها لك مع مندوب هههه طيب ليه من اول تفحص وتخلص وتقول ي رب صبرني وتنقل وتقول ارتحت الحمد لله تطلب يردون لك ال 5 الاف حقتك وعربونك بالمزايده والخروج تنصدم ان الطلب له عشر ايام والاداره لسى مو حتى مفكره تعطيك موافقه انه ترده يعني بالمختصر نستثمر في فلوسك وانت اصبر مو عاجبك هذي السياسه والأحكام عندنا

صار لي اكثر من اسبوعين مسدد قيمه السياره والتأمين ولم ينقلوها بعد خدمه العملاء جداً سيئه في الهاتف والواتساب وتويتر وتروح مقرهم مقفلينه محسسينك انهم وزراء 👎

شركة ما وجّهت منهم اي مشاكل السيارة اشتريت من الموقع ما قعدت معي ٣ايام ونقلت الملكية سيارة مستخدمة ليس مصدوم وصراحة تجربتي معهم كانت جميله واخلاق الموظف خدمة العملاء كويسه ما وجّهت اي مشكلة سمعت ان استراد المبلغ التأمين ما ترجع إلا بطلعت الروح لكن بعد ما خلصت من جرات السيارة طلبت استيراد المبلغ ثاني يوم وهي بحسابي لا تسمع اشوف بعينك والله كثرت تعليقات سلبية هي اللي خلتني اتخاوف منهم لكن افضل شركة تعاملت معهم

طبعن معاهم صارلي سنه تقريبا دافع فوق ٣٠٠ للف قيمه سيارات اشتريتها من عندهم في الوقت الحالي فيه تخبطات عند الشركه

أسوء إدارة موجودة في العالم . تتصل عشان تخلص امورك يسحبوا عليك . يقول راح يتواصل واتس معاك ويخليك ١٠ ايام بدون رد . التطبيق لا يناسب ولا يتماشى مع رؤية 2030 . الي يقهرك ان بعض المشاهير زي أحمد الشقيري مسوي إعلان لهم .

نصيحه لغير اهل الرياض لا تشتري من عندهم مصدوم الا اذا كان الفحص ساري لانك راح تتمرمط وتتبهذل معاهم خدمه سيئه جدا شريت من عندهم سياره ودفعت 10000 تامين مزاد ولما رسي عليه المزاد قالولي في انتظار موافقه البائع ردو عليه بالموافقه بعد 7 ايام الان باقي نقل الملكيه طلبو مني الهويه والرخصه وعمل التامين وارسلت كل شي جلسو بعدين 3 ايام بعد ال3 ايام قالو لي الفحص منتهي لازم تصلح بعدين تفحص طيب تمام بستلم السياره قالو طيب عندنا سطحات داخل الرياض ب57 ريال قلت لهم ممتاز واستلم راعي السطحه السياره بدون لوحات طيب كيف اشحن السياره وكيف يستلمها راعي الورشه نظام غريب بعد مشادات استلمنا اللوحات طيب عطوني خطاب لشركات النقل لان النقل عندهم غالي جدا قالو لا مافي عندنا خطابات طيب كيف الطريقه اضطريت اخذ سطحه خارجيه عشان مافي خطاب للشحن بعد كذا ارسلو لي فاتورة سطحتهم علي اساس انها ب57 زي ما قالي بعدين سبحان الله طلعت الفاتوره 260 وبعد اتصالات ومرمطه نزلو السعر ل 140 فما اقول غير الله يوعضنا خير هذي تجربتي معاهم الي يبغي راحت باله لا يشتري الا نظيف او يكون من الرياض بس

حملت التطبيق ولكن حذفته بسبب انهم يبون اوافق على شروط ولا اقدر اتصفح واجرب التطبيق الا بعد ما اوافق على الشروط وماتدري وش الهدف منها كاني مغصوب عليهم ،،، تطبيق ومنصه فاشلة تعاملك كانك حرامي وجاي بتسرقهم وكلن يرى الناس بعين طبعه.

طبعا انا غلطت وشريت 3 سيارات في وقت متقارب ولاكن بعد تجربه انصح الجميييع بعدم التفكير مجرد تفكير في التعامل معهم سيئين من ناحية خدمة العملاء سيئين من ناحية ارسال التنازلات واوراق الاصلاح …الخ اي شي لهم عندك يزعجونك لدرجة مو طبيعيه واذا بغيت منهم شي ردهم معروف (اخي العزيز كحد اقصى سيتم الانجاز في 21 يوم) علما بانك تطلبهم شي سهل يُنجز في 5 دقايق الصراحة تجربه فاشلة والان كملت اكثر من 16 يوم لم يتم استرداد مبلغ التامين لااحد يفكر يتعامل معهم وشكرا

بصراحة انه فاشل من الموظفين وتعاملهم سيئ للغاية

نصب واحتيال وغير صادقين في مبالغ السيارات والتامين والمزايادت