Sigal Audiobooks

SIGAL Audiobooks.al është projekti më i ri në Shqipëri, i cili mundëson dëgjimin e librave më të mirë në audio. Autorët më në zë të huaj dhe shqiptarë janë përzgjedhur për dëgjuesit e të gjitha grupmoshave.
Këtu e gjejnë veten duke filluar që nga fëmijët e moshave të vogla, duke dëgjuar përrallat e tyre të preferuara, fëmijët pak më të rritur me librat shkollorë apo libra artistikë që u përshtaten moshës së tyre dhe deri tek të rriturit, që mund të dëgjojnë romane, histori, kulturë, e plot libra interesantë dhe me vlera të mëdha.
Librat vijnë tek ju nëpërmjet zërave të njohur të personazheve që kanë shumë vite eksperiencë në gazetari dhe jetën publike, dhe me profesionalizmin dhe zërin e tyre unik përcjellin tek çdo dëgjues librat më të mirë të epokës moderne, si dhe të historisë e kulturës së vjetër mesjetare e të rilindjes.
Librat mund të dëgjohen falas në çdo kohë nga celulari ose kompjuteri dhe jeni Ju ata që përzgjidhni titujt që dëshironi të dëgjoni!
Por si lindi ky projekt?
SIGAL Audiobooks.al lindi si ide e një individi të njohur për publikun, e një biznesmeni shumë të sukseshëm e njëkohësisht një person që jep nje kontribut të madh në zhvillimin dhe përmirësimin e jetës sociale e kulturore të qytetarëve shqiptarë, nëpërmjet projekteve të ndryshme në ndihmë të komunitetit. Ai është Avni Ponari, që gjerësisht njihet si themeluesi dhe drejtuesi i kompanisë më të madhe të sigurimeve në vend dhe rajon, SIGAL UNIQA Group Austria.